مشـاركات الأعضـاء شعـر وخـواطـر جديد الشاعر العم عبدالله النوشــان
تقييم المستخدمين: / 1
سيئممـتاز 

 

أبيات للشاعر عبدالله محمد النوشان ( أبو سليمان)


يـالله بنــوٍ بــارقـــه يـعـجــب الـعـيـــن

لاهــــــــــــــل وبلـــه كـثـر الماء بخده

نـوٍ مـسـد وضــافـي يســار ويـمــيـــن

متـلاحـمٍ ما يلحق الشـــــــــوف حـــده

امـصـافــق الـغـدران يأخـذ اسبوعـيـن

وغـثاه ينسف فـوق عـــــــــالي مـرده

يـسـقـي مـن الاردن إلـى حــد داريـــن

ومن الكويـــــت الى شـــــروره وجده

ويسقي تبـوك إلى قـطـر قـولوا آميــن

ويضفي على الـوعـرات والمجـرهــده

مـتخـالفٍ نـبـتـه على الـقـشع دوريــن

ويطـرب لــــه اللي فـيه شوفـه يـمــده

مـاعـاد تـلـقـى بـالـجـزيـرة مـحيـلـيــن

كـــــلٍ مـكانــــه مـاحـــدٍ شـــد شـــــده

شبـعــو وشـبـعــن الـغـنـم والـبعـاريـن

وراع الـبـعـيـر أطـلـــق قيــــاده وهـده

وانــزاح هــم أهــل البـكار المـزايـيــن

مـاعــــاد فــيــه إعــلاف هـاتـــه ووده

ويـامـا حـلا المـسيـار بـيـن الفـريقـيـن

وكــــلٍ هــــزع لــلـي يـبــيــه ويــــوده

ودنّتْ انجور اللي على الطيب ضارين

وكـــلٍ حــذف فــوق الشــداد الـمـخــده

ودارت سـوالـفـهـم على العـز والزيـن

واللـــي معــه هــرجٍ يـنـومــس يـعــده

تسعـيـن لـيـلـه بالـمـنازل مـقـيـمـيــــن

أمـــن وربـيــــع وبَـــعّــد اللـه ضـــــده

وبعــد شهــر شـدوا يـبـون الـبساتيــن

كــــــلٍ يـبـي بـــــارد ظــلالــه وعــــده

وشبع الحلال ارمام وأهـلـه مريحيـــن

أبـــرك مـن الـوافـي وعـشــه وغـــــده

الله يـديــم الـخـيــر والأمــن والـديــــن

واللـــي يبــي الفـتـنـه عسى اللـه يلــدّه

 

التعليقات (0)

أضف تعليق

يرجى منك الدخول للتعليق.اذا لم تكن مسجلا.يرجى التسجيل.

busy

تـابعنـا على أشهر الشبكات الأجتماعية


tweeter33facebook

المتواجدون حاليـاً

حاليا يتواجد 13 زوار  على الموقع

تسجيـل الدخول